español galego english

Turismo Vilalba

Portada Contacto Mapa web

Axenda  



Resultados por páxina 

Concerto "Los Secretos"

10.09.2018 - 14.12.2018

O venres 14 de decembro "Los Secretos" descóbrennos as súas raíces en formato acústico no Auditorio Municipal Carmen Estévez de Vilalba ás 21:30 horas.

Tras a súa Xira Aniversario “Unha vida ao teu lado”, o mítico grupo madrileño volven este outono-inverno a mostrarnos os mellor da súa música, esta vez nun delicioso e elegante formato acústico.

Unha vez máis demostran que se adaptan a todos os formatos e deixan claro que esta viaxe, lonxe de concluír, aínda ten moito por percorrer.

Por iso, a banda volve aos escenarios do país con esta interesante proposta para continuar co seu camiño, un camiño en formato acústico que seguro, deleitará aos máis seguidores e a todos aqueles que nunca visen a este grupo en directo.

Porque fóra de modas e tendencias, "Los Secretos" seguen co seu son único, agora en acústico.


Lugar: Auditorio Carmen Estévez

Data: Venres 14 de decembro 2018
Hora: 21:30h.

Apertura portas: 21:00h

Entrada anticipada: 18€

Entrada taquilla: 22€

Entradas á venda a partir do luns 10 de setembro en www.ataquilla.com e na Casa da Cultura de Vilalba.

III Sábados de Teatro

06.10.2018 - 27.10.2018

O Instituto de Estudios Chairegos, coa colaboración do Concello de Vilalba, organiza os III SÁBADOS DE TEATRO. Durante os catro sábados do mes de outubro, poñeranse en escea outras tantas obras a cargo de catro grupos teatrais distintos.

O programa completo, consta das seguintes representacións e grupos, que terán lugar no auditorio Carmen Estévez:

–Sábado 6 de outubro, ás 20,30 horas, o grupo Tolemia Teatro porá en escea a obra “A Oficina”.

–Sábado 13 de outubro, ás 20,30 horas, o grupo Hipócrita Teatro porá en escea a obra “Hotel Desencanto”. (Está obra está subvencionada pola Área de Cultura da Deputación, dentro do programa Buxiganga 2018).

–Sábado 20 de outubro, ás 20,30 horas, o grupo Escola Municipal de Teatro de Vilalba porá en escea a obra “Retais”.

–Sábado 27 de outubro, ás 20,30 horas, o grupo Achádego Teatro porá en escea a obra “Balas sobre Broadway”.


A entrada a todas as funcións será libre e gratuíta.

1ª Función Sábado, 6 de Outubro de 2018, ás 20:30 h.

A Oficina, Tolemia Teatro

X Tasca do Liño

27.10.2018 - 27.10.2018

A parroquia Vilalbesa de Insua acollerá o sábado 27 de octubro a X Tasca do Liño, festividade que este ano celebra tamén o décimo aniversario da recuperación do cultivo tradicional do liño, sendo as veciñas de Insua as pioneiras na provincia de Lugo.

A xornada centrase polo tanto no traballo desenvolvido nestes dez anos con demostracións do que sería unha antiga tasca do liño, actuacións musicais, artesanía en vivo, sorteos, concursos, etc.

Comezará a xornada sobre as 11:00 horas co pregón, que este ano estará a cargo do poeta e músico Mero. A continuación, haberá unha mesa coloquio na que estarán presentes o alcalde, Mario Outeiro e outros compoñentes da Asociación. Nela falarase da traxectoria e o traballo desenvolvido pola asociación.

Haberá tamén entrega de premios do certame de debuxo sobre o liño que xa está aberto e demostración do que eran as antigas Tascas do liño. A todo isto haberá que sumar a actuación musical de Tino Vad.

Pola tarde haberá a actuación dun grupo de música tradicional, aínda sen confirmar dentro do programa Musiqueando da Deputación, outra demostración da Tasca do liño, actuación dos Minhotos e de David Perdomo. Concluirán a festividade cunha queimada popular.

Durante o día estará dispoñible a visita a unha exposición na Casa Escola de Insua que recolle fotografías dos dez anos de traballo do liño, así coma outras de tascas antigas que aporta o IESCHA.

Tamén haberá postos artesáns e artesanía en vivo, como o zoqueiro de Alfoz Alberto Geada, o tallista e restaurador Villalbés Marcos ladra, un canteiro, etc.

A SIRENITA. O musical unha aventura Ecolóxica

04.11.2018 - 04.11.2018

A SIRENITA, unha aventura Ecolóxica, musical producido por Candileja producións para toda a familia onde os personaxes que creou o escritor Hans Christian Andersen cóntannos esta divertida aventura que vai desde o mar ata a Terra aportandovalores como o agarimo pola natureza e a importancia do seu coidado mediante a reciclaxe. O musical foi valorado como un dos mellores espectáculos para toda a familia grazas á súa mensaxe e calidade artística. Escrito e dirixido por Jesús Sanz-Sebastián, gañador do premio CREA nos premios do Teatro Musical, o espectáculo conta cunha coidada posta en escena, marabillosos vestiarios, marionetas e perrucas que crearán momentos inesquecibles; todo a ritmo de grandes números musicais que van desde o pop ao soul.
Domingo 4 de novembro
Hora: 17:00h
Lugar: Auditorio Carmen Estévez
Entradas: 12€
Duración: 75 min.
Venda anticipada online en Ataquilla.com e na casa da Cultura (a partir do 26 de outubro) de 11h a 13h e de 17:30h a 21:00h.
Para todos os públicos.
Cesión de auditorio según Ordenanza Núm. 45

 
Consellería de Innovación e Industria Icono de conformidade co Nivel Doble-A, das Directrices de Accesibilidade para o Contido Web 1.0 do W3C-WAI

Oficina de Turismo de Vilalba - turismo@vilalba.org RSS
Rúa Domingo Goás - 27800 - Vilalba (Lugo)
Tel.: 982 511 383