español galego english

Turismo Vilalba

Portada Contacto Mapa web

Axenda  



Resultados por páxina 

XXV Festa do queixo San Simón da Costa

21.03.2019 - 07.04.2019

O vindeiro 6 e 7 de abril celebrarase na Praza da Constitución de Vilalba a XXV Festa do Queixo de San Simón da Costa.

O sábado 6 de Abril, os actos da xornada comezarán na Praza da Constitución, coa apertura ao público do recinto feiral a partir das 11.00 horas, que permitirá aos asistentes gozar coa diversidade de produtos artesanais e gastronómicos da zona.

Programa de actos do sábado 6:

11:30h final do concurso de tapas (Praza da Constitución)

13:00h Actuación de La Musgaña (Alameda)

16:30h Saaabor! Comedia (Público familiar, Praza da Constitución)

17:30h Entrega de premios BTT (Praza da Constitución)

18:00h Pregón a cargo do actor Luis Zahera (Goya ao mellor actor de reparto 2019)

Entrega de premios do concurso de Tapas, da ruta de tapeo e do concurso de carteis. (Praza da Constitución)

21:30h Actuación Orqueta Mondragón (Auditorio Carmen Estévez. Entradas á venda en ataquilla.com e na casa da cultura de Vilalba).

O domingo día 7 ás 10.00 horas, apertura do recinto feiral na Praza da Constitución ata ás 15.00h.

Programa de actos do sábado 7:

11:00h a 14:00h. Airiños da Febra e Festicultores percorrerán as rúas de Vilalba.

12:00h Showcooking de Jacobo Santeiro (O Mercado Streetflood, Lugo), na Praza da Constitución.

13:00h Showcooking de Marcos Morán (Rest. Casa Gerardo, 1 Estrella Michelin) na Praza da Constitución.

Os horarios da Festa do Queixo serán os seguintes:

SABADO DÍA 6 de abril de 11:00 h. a 21:00 h.

DOMINGO DÍA 7 de abril de 10:00 h. a 15:00 h.

Máis información sobre o Queixo de San Simón da Costa en: www.sansimondacosta.com

Ópera: Cavallería Rusticana

31.03.2019 - 31.03.2019

O auditorio Carmen Estévez de Vilalba, acollerá o domingo 31 de marzo ás 19.30h, a ópera “CAVALLERIA RUSTICANA” de P. Mascagni.

Cavalleria rusticana é un melodrama nun acto con música de Pietro Mascagni e libreto en italiano de Giovanni Targioni- Tozzetti e Guido Menasci, baseado nun relato do novelista Giovanni Verga. Considerada unha das clásicas óperas do verismo, estreouse o 17 de maio de 1890 no Teatro Costanzi de Roma.

Lugar: Auditorio Carmen Estévez

Día: 31 de marzo 2019

Hora: 19:30h

Duración:1h 15min.

Prezos:

Entradas Adultos: anticipada 10€ – o día da actuación 12€

Entradas Nenos: anticipada 5€ – o día da actuación 6€ ( de 6 a 18 anos inclusive)

Entradas Gratuíta Para Menores de 6 anos.

Venda anticipada na Casa da Cultura de 11h a 13h e de 17:30h a 21h., venda online en Ataquilla.com

PARA TODOS OS PÚBLICOS.

Concerto da “Orquesta Mondragón”

06.04.2019 - 06.04.2019

Javier Gurruchaga e a Orquesta Mondragón, celebran o seu 40 aniversario cunha gran xira, na que farán unha parada no Auditorio Carmen Estevez de Vilalba, para facernos gozar da súa música.

Durante o ano 2017 Javier Gurruchaga e A Orquestra Mondragón seguirán virando co espectáculo “Anda Solto Satanás”, unha das mellores xiras dos últimos anos desta banda mítica e inigualable. Esta xira propón un concerto con todos os seus éxitos, unha magnífica banda e un Javier Gurruchaga dando, como sempre, un maxistral espectáculo sobre o escenario.

No ano 2016 iniciase esta festa de aniversarios con numerosos concertos en España e a presentación en México e finalizará a finais deste ano. Tamén en 2016 editouse o seu novo disco en España e será lanzado en México no mes de abril.

“Quixemos celebrar os nosos 40 anos na música cun disco de duetos con magníficos amigos e artistas. Para nós este traballo musical é unha torta de aniversarios cuxo maior ingrediente é a arte e o corazón dos nosos amigos de acá e de alá que compartiron connosco escenario e estrada”. A Orquestra Mondragón segue de viaxe con este marabilloso espectáculo, no cal se incorporou un novo tema, “QUE VEN TRUMP!!!”, un rock& roll delirante que non deixará a ninguén indiferente.

VIAXE CONNOSCO!

Lugar: Auditorio Carmen Estévez

Data: Sábado 6 de abril 2019

Hora: 21:00h.

Duración: 90 minutos aproximadamente

Prezo: entrada anticipada 10€- o día da actuación 12€

Evento con butacas numeradas.

Venda anticipada na Casa da Cultura de 11h a 13h e de 17:30h a 21h., venda online en Ataquilla.com

 
Consellería de Innovación e Industria Icono de conformidade co Nivel Doble-A, das Directrices de Accesibilidade para o Contido Web 1.0 do W3C-WAI

Oficina de Turismo de Vilalba - turismo@vilalba.org RSS
Rúa Domingo Goás - 27800 - Vilalba (Lugo)
Tel.: 982 511 383