español galego english

Turismo Vilalba

Portada Contacto Mapa web

Axenda  



Resultados por páxina 

Bases de inscrición dos Stands para a Feira do Capón 2018

10.11.2018 - 07.12.2018

O venres 21 de decembro celébrarase na Praza da Constitución de Vilalba a Feira do Capón de Vilalba.

Todos aqueles que queiran participar na colocación dun stand na feira, poderán facelo cubrindo as fichas de inscrición que se acompañan, segundo o tipo de posto a instalar. Mais información en: https://bit.ly/2OC7Qgq

Data límite de inscrición ata venres 7 de Decembro de 2018.

Xornadas Centenario da I Asamblea das Irmandades da Fala

16.11.2018 - 17.11.2018

Xornadas “Centenario da I Asamblea das Irmandades da Fala”, organizadas polo Instituto de Estudos Chairegos, o Consello da Cultura Galega, e coa colaboración do Concello de Vilalba, que terán lugar na casa da Cultura de Vilalba o venres 16, e o sábado 17 de novembro de 2018, sendo o acto de apertura o venres 16, ás 17:30 horas.

VENRES, 16 DE NOVEMBRO

17:30 Recepción e presentación.
Interveñen:
- Rosario Álvares Blanco,Presidenta do Consello da Cultura Galega
- Agustín Baamonde Díaz, Alcalde do Concello de Vilalba
- Marisa Barreiro Mejuto, Presidenta do Instituto de Estudos Chairegos

18:15 Proxección dun audiovisual sobre as Irmandades da Fala.

19: 00 Conferencia de Ramón Villares Paz: Centenario da I Asemblea das Irmandades da Fala.

SÁBADO, 17 DE NOVEMBRO

10:30 Mesa Redonda: Irmandades da Fala. Lois Peña Novo, coa participación de:
- Uxío Breogán Diéguez
- Alberte Currás Gato
- Emilio Ínsua López
- Manuel Roca Cendán

12:00 Actuación musical do grupo de guitarras do Conservatorio de Vilalba
Pizzicato Trio

12:30 Conferencia de Encarna Otero Cepeda: As mulleres e as Irmandades da Fala.

14:00 Ofrenda floral no monolito conmemorativo da constitución da Irmandade da Fala de Vilalba.

Concerto de Sta. Icía

17.11.2018 - 17.11.2018

O sábado 17 de novembro ás 20.30h, Concerto Sta. Icía da Banda de Música de Vilalba no auditorio Carmen Estévez. Este ano estará adicado á música de bandas sonoras de películas como Casablanca, Gladiator, Mission Impossible..entre outras.

Entrada de balde.

Orquesta Sinfónica de Galicia

30.11.2018 - 30.11.2018

A Orquestra Sinfónica de Galicia visitará o auditorio Carmen Estévez o venres 30 de novembro ás 20:30h, concerto que contará con José Trigueros como director.

Programa do concerto:

I

WOLFGANG AMADEUS MOZART (1756-1791)
Sinfonía nº 40, en sol menor, KV 550

Molto allegro

Andante

Menuetto. Allegretoo

Allegro assai

II

LUDWIG VAN BEETHOVEN (1770-1827)

Sinfonía nº 7, en la mayor, op. 92

Poco sostenuto

Allegretto

Presto

Allegro con brio

Lugar: Auditorio Municipal Carmen Estévez

Data: venres, 30 de novembro de 2018

Hora: 20.30 horas

Entrada anticipada: 10€- Taquilla _12€

Evento con butacas numeradas

As entradas xa a venda en Ataquilla.com ou na casa da Cultura.

Mago Yunke “Conjuro”

09.12.2018 - 09.12.2018

O espectáculo "Conxuro", do Mago Yunke estará o próximo domingo 9 de decembro de 2018 no auditorio Carmen Estévez de Vilalba. Esta función dará comezo ás 20:00 horas. En Conxuro, o Mago Yunke, presenta as súas mellores ilusións, as súas últimas creacións máxicas e as que o levaron a ser un dos máis recoñecidos magos do mundo.

Un espectáculo teatral que ofrece desde números con moita forza e espectacularidade, ata tenros xogos que farán as delicias de todo tipo de público. Grandes Ilusións de espectacular impacto que se entrelazan coa música e unha impecable posta en escea, enriquecendo a interacción co público.

Conxuro preséntanos un tipo de ilusionismo inédito en España.

O Mago Yunke é un dos grandes ilusionistas da nosa época e goza de gran prestixio entre os profesionais do mundo do espectáculo grazas á calidade e fiabilidade das súas intervencións, e á capacidade para entender e potenciar os proxectos nos que participa.

Domingo 9 de decembro

Hora: 20:00h

Lugar: Auditorio Carmen Estévez

Entradas:12€ anticipada e 15€ en taquilla.

Duración: aproximada de 75 minutos.

Público Familiar.

Evento con butacas numeradas.

Venda anticipada online en Ataquilla.com e na casa da Cultura ( a partir do 26 de outubro) de luns a venres de 11 h. a 13 h. e de 17:30 h. a 21:00 h. e sábados de 11h. a 13:00 horas.

Concerto "Los Secretos"

14.12.2018 - 14.12.2018

O venres 14 de decembro "Los Secretos" descóbrennos as súas raíces en formato acústico no Auditorio Municipal Carmen Estévez de Vilalba ás 21:30 horas.

Tras a súa Xira Aniversario “Unha vida ao teu lado”, o mítico grupo madrileño volven este outono-inverno a mostrarnos os mellor da súa música, esta vez nun delicioso e elegante formato acústico.

Unha vez máis demostran que se adaptan a todos os formatos e deixan claro que esta viaxe, lonxe de concluír, aínda ten moito por percorrer.

Por iso, a banda volve aos escenarios do país con esta interesante proposta para continuar co seu camiño, un camiño en formato acústico que seguro, deleitará aos máis seguidores e a todos aqueles que nunca visen a este grupo en directo.

Porque fóra de modas e tendencias, "Los Secretos" seguen co seu son único, agora en acústico.


Lugar: Auditorio Carmen Estévez

Data: Venres 14 de decembro 2018
Hora: 21:30h.

Apertura portas: 21:00h

Entrada anticipada: 18€

Entrada taquilla: 22€

Entradas á venda a partir do luns 10 de setembro en www.ataquilla.com e na Casa da Cultura de Vilalba.

Musical "Vaya Santa Claus"

15.12.2018 - 15.12.2018

Neste Nadal, pequenos e maiores poderán disfrutar do musical de “Vaya Santa Claus”, unha tarde inesquecible, onde aprender a vivir o espírito do Nadal e os seus valores. Descubrirán cómo se fabrican os xoguetes e voltarán a casa sabendo que o mellor regalo que podemos ter é a familia.

Sábado 15 de decembro 2018

Hora: 18:00h

Entrada anticipada: 13€ // taquilla 16€

Venda anticipada en Ataquilla.com e na casa da cultura de 11h a 13h e de 17:30h a 21h.

Cesión de sala según Ordenanza Núm. 45.

Ballet “Sherezade” e “Chopiniana” coa orquestra “Real Kyiv Filarmonica Orquesta”

30.12.2018 - 30.12.2018

O domingo 30 de decembro, o auditorio Carmen Estévez de Vilalba acollerá o Ballet “Sherezade” e “Chopiana” co acompañamento da Orquestra Real Kyiv Filarmonica Orquesta”.

Lugar: Auditorio Municipal Carmen Estévez

Data: Domingo, 30 de decembro de 2018

Hora: 20.30 horas

Entrada anticipada adultos: 13€ // Taquilla _15€

Entrada anticipada nenos: 8€ // Taquilla _10€ ( ata 14 anos inclusive)

Evento con butacas numeradas

As entradas xa a venda en Ataquilla.com ou na casa da Cultura

 
Consellería de Innovación e Industria Icono de conformidade co Nivel Doble-A, das Directrices de Accesibilidade para o Contido Web 1.0 do W3C-WAI

Oficina de Turismo de Vilalba - turismo@vilalba.org RSS
Rúa Domingo Goás - 27800 - Vilalba (Lugo)
Tel.: 982 511 383