español galego english

Turismo Vilalba

Portada Contacto Mapa web

atrás Axenda  

Os Axóuxeres

16.11.2013 - 16.11.2013

Un ano máis, coa chegada do outono, veñen tamén os Encontros dos Axóuxeres para os máis novos da casa. De setembro a decembro percorrerán 24 localidades galegas pertencentes á Rede de Dinamización Lingüística, de entre elas o noso concello de Vilalba, que en colaboración co Centro Cultural Recreativo, acollerá a actuación dos Axóuxeres nas súas instalacións o sábado 16 de novembro ás 18.30h.

Os Axóuxeres traen historias, música e diversión para os cativos menores de 6 anos, desta volta da man dunha compañía pioneira do teatro para bebés en Galicia: Caramuxo Teatro.

Na obra cóntanse historias adaptadas á xente miúda da casa, mesturadas con cancións especificamente creadas para a montaxe que implican directamente a participación do público.

Reserva!
A entrada para os Encontros dos Axóuxeres é de balde, con reserva previa ata completar a capacidade. As persoas interesadas en participar poderán inscribirse previamente, de luns a venres e en horario de 10.00h a 14.00 h, no teléfono 610 641 570. Admitiranse reservas dende unha semana antes de cada sesión
Para máis información dos Encontros e do resto de actividades que farán os Axóuxeres, podedes consultar o seguinte enlace:

http://www.xunta.es/linguagalega/os_axouxeres_2013

 
Consellería de Innovación e Industria Icono de conformidade co Nivel Doble-A, das Directrices de Accesibilidade para o Contido Web 1.0 do W3C-WAI

Oficina de Turismo de Vilalba - turismo@vilalba.org RSS
Rúa Domingo Goás - 27800 - Vilalba (Lugo)
Tel.: 982 511 383