español galego english

Turismo Vilalba

Portada Contacto Mapa web

atrás Axenda  

INCUBADORA DE PROXECTOS

10.03.2015 - 17.04.2015

A Dirección Xeral de Xuventude e Voluntariado pon en marcha o programa de educación non formal “Incubadora de Proxectos”.
Incubadora de Proxectos pretende ser unha ferramenta de traballo, enfocado a mozos e mozas que teñan previsto presentar propostas no marco dos programas de participación xuvenil, e busquen mellorar as súas competencias e destrezas en canto a redacción e execución de proxectos.

O seu obxectivo é a consolidación destes programas como elementos dinamizadores do tecido asociativo, impulsores de iniciativas innovadoras e elementos valiosos no currículum non formal da mocidade.

Os obradoiros están dirixidos a mozos e mozas, animadores xuvenís, técnicos municipais, axentes de desenvolvemento local, concelleiros/as de xuventude, asociacións xuvenís, grupos informais de mozos e mozas, estudantes e en xeral a calquera colectivo interesado en programas de participación xuvenil.

Estas xornadas levaranse a cabo o 17 de abril ás 17.00h na Casa da Xuventude.
Para a súa realización será necesario que haxa un mínimo de 10 mozos/as inscritos. Os interesados que queiran asistir, poden inscribirse en calquera destes puntos: na oficina de Cultura do Concello, na Casa da Cultura e na Casa da Xuventude.

 
Consellería de Innovación e Industria Icono de conformidade co Nivel Doble-A, das Directrices de Accesibilidade para o Contido Web 1.0 do W3C-WAI

Oficina de Turismo de Vilalba - turismo@vilalba.org RSS
Rúa Domingo Goás - 27800 - Vilalba (Lugo)
Tel.: 982 511 383